ಹಳ್ಳಿಡೊಂಜಿ ದಿನ

ಬೆಳಿಗ್ಗೆ 8 ಗಂಟೆಗೆ ಸರಿಯಾಗಿ ಘಟಕದ 50 ಸದಸ್ಯರು ಕೂಳೂರಿನಿಂದ ಹೊರಟು 10.30 ಕ್ಕೆ ಶಿರ್ತಾಡಿ ತಲುಪಿ ಘಟಕದ ಸದಸ್ಯರಾದ *ಜಯ ಬಂಗೇರ* ಅವರ ಮನೆಯಲ್ಲಿ ಉಪಹಾರ ಮುಗಿಸಿ ನಂತರ ಅಲ್ಲಿಂದ ಹೊಸ್ಮಾರು ಆಶ್ರಮಕ್ಕೆ ಭೇಟಿ ನೀಡಿ, *ಶ್ರೀ ಶ್ರೀ ಶ್ರೀ ವಿಖ್ಯಾತನಂದ ಸ್ವಾಮೀಜಿಯವರ ದರ್ಶನ ಪಡೆದು ಆಶ್ರಮಕ್ಕೆ 350kg ಅಕ್ಕಿ ಕೊಡಲಾಯಿತು*. ನಂತರ ಅಲ್ಲಿಂದ ಹೊರಟು 11.00 ಗೆ ಸರಿಯಾಗಿ ಈದು ಬಟ್ಟೇಣಿಗೆ ತಲುಪಿದೆವು.

ಕಾರ್ಯಕ್ರಮದ ಉದ್ಘಾಟನೆಯನ್ನು ಪ್ರಸಾದ್ ರವರ ತಂದೆ ರವಿ ಕೋಟ್ಯಾನ್, ಗದ್ದೆ ಮಾಲಕರಾದ ಶೇಖರ್ ಪೂಜಾರಿ ಹಾಗೂ ಹಿರಿಯ ಸ್ಥಳೀಯರಾದ ಶಾಂತಪ್ಪ ಪೂಜಾರಿ ಒಟ್ಟಾಗಿ ಭತ್ತದ ಕಲಶಕ್ಕೆ ತೆಂಗಿನ ಕೊಂಬು ಇಟ್ಟು ಹಾಗೂ ದೀಪ ಬೆಳಗಿಸುವುದರ ಮೂಲಕ ನೆರವೇರಿಸಿದರು. ಈ ಸಂಧರ್ಭದಲ್ಲಿ ಘಟಕದ ಅಧ್ಯಕ್ಷರಾದ ಭಾಸ್ಕರ ಕೋಟ್ಯಾನ್, ನಿಕಟ ಪೂರ್ವ ಅಧ್ಯಕ್ಷರಾದ ಲೋಕೇಶ್ ಕೋಟ್ಯಾನ್, ಕಾರ್ಯದರ್ಶಿ ಮಧುಶ್ರೀ ಪ್ರಶಾಂತ್, ಸಂಘಟನಾ ಕಾರ್ಯದರ್ಶಿ ನಿಶಿತ್, ಜೊತೆ ಕಾರ್ಯದರ್ಶಿ ರೋಹಿತ್, ಕೋಶಾಧಿಕಾರಿ ಇಂದಿರಾ, ಕಾರ್ಯಕ್ರಮದ ಸಂಚಾಲಕರಾದ ಪ್ರಸಾದ್ ಈದು ಬಟ್ಟೇಣಿ ಹಾಗೂ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು. ಉದ್ಘಾಟನೆಯ ನಂತರ ಅಧ್ಯಕ್ಷರು ಸದಸ್ಯರ 2 ತಂಡಗಳನ್ನು ರಚಿಸಿ ಕೋಟಿ ಚೆನ್ನಯ್ಯ ಎಂದು ನಾಮಕರಣ ಮಾಡಿದರು. ನಂತರ ಈ ತಂಡಗಳ ನಡುವೆ ವಾಲಿಬಾಲ್, ತ್ರೋ ಬಾಲ್, ಹಗ್ಗ ಜಗ್ಗಾಟ ಹೀಗೆ ಹಲವು ಸ್ಪರ್ಧೆಗಳನ್ನು ಏರ್ಪಡಿಸಲಾಗಿತ್ತು. ಅಲ್ಲದೆ ಅಲ್ಲಿನ ಸ್ಥಳೀಯ ಮಕ್ಕಳಿಗೂ ವಿವಿಧ ಬಗೆಯ ಆಟೋಟ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿತ್ತು. ಮಧ್ಯಾಹ್ನ ಊಟ ಮುಗಿಸಿ ನಂತರ ಬಹುಮಾನ ವಿತರಿಸಲಾಯಿತು.

ಊಟೋಪಚಾರದ ವ್ಯವಸ್ಥೆಯನ್ನು ಸಂಚಾಲಕರಾದ ಪ್ರಸಾದ್ ಈದು ರವರ ಕುಟುಂಬಸ್ಥರು ಮಾಡಿದ್ದರು. ಅಧ್ಯಕ್ಷರು ವಂದಿಸಿದರು. ಪ್ರತೀಶ್ ಗೌರೀಶ್ ನಿರೂಪಿಸಿದರು.