ಅಭಿನಂದನಾ ಸಮಾರಂಭ

ಮಂಗಳೂರು : ಯುವವಾಹಿನಿಯ 31 ನೇ ವಾರ್ಷಿಕ ಸಮಾವೇಶವು ದಿನಾಂಕ 05.08.2018 ರಂದು ಮಂಗಳೂರಿನ ಫಾದರ್ ಮುಲ್ಲರ್ ಕನ್ವೆನ್ಷನ್ ಸೆಂಟರ್ ನಲ್ಲಿ ಯುವವಾಹಿನಿ (ರಿ) ಮಂಗಳೂರು ಘಟಕದ ಆತಿಥ್ಯದಲ್ಲಿ ಅಭೂತಪೂರ್ವ ಯಶಸ್ಸು ಗಳಿಸಿತು.
ಈ ನಿಟ್ಟಿನಲ್ಲಿ ಸಮಾರಂಭದ ಯಶಸ್ಸಿಗೆ ಸಹಕಾರ ನೀಡಿದವರಿಗೆ ಅಭಿನಂದನಾ ಕಾರ್ಯಕ್ರಮ ದಿನಾಂಕ 07.08.2018 ರಂದು ಮಂಗಳೂರಿನ ಯುವವಾಹಿನಿ ಸಭಾಂಗಣದಲ್ಲಿ ಜರುಗಿತು.

ಸಮಾವೇಶ ನಿರ್ದೇಶಕ ಹರೀಶ್ ಕೆ.ಪೂಜಾರಿ, ಸಮಾವೇಶ ಸಂಚಾಲಕ ನವೀನ್ ಚಂದ್ರ, ಕಾರ್ಯಕ್ರಮ ನಿರೂಪಿಸಿದ ದಿನೇಶ್ ಸುವರ್ಣ, ಮಂಗಳೂರು ಘಟಕದ ಕೋಶಾಧಿಕಾರಿ ಗಣೇಶ್ ಸುವರ್ಣ, ಸತೀಶ್ ಕುಮಾರ್ ಎ, ಮತ್ತಿತರರ ಸೇವೆಯನ್ನು ಸ್ಮರಿಸಿ ಅಭಿನಂದಿಸಲಾಯಿತು.

ಸಮಾವೇಶಕ್ಕೆ ಅತೀ ಹೆಚ್ಚಿನ ಆರ್ಥಿಕ ಸಹಕಾರ ನೀಡಿ ಮಂಗಳೂರು ಘಟಕದ ಆರ್ಥಿಕ ಹೊರೆಯನ್ನು ಕಡಿಮೆಗೊಳಿಸಿದ ದೇವೇಂದ್ರ ಕೋಟ್ಯಾನ್ ಲೋಲಾಕ್ಷಿ ದಂಪತಿಗಳು ಹಾಗೂ ಶ್ರೀದೇವಿ ಕ್ತಾಟರರ್ಸ್ ಮಾಲಕ ಬಾಲಕೃಷ್ಣ ಕುಕ್ಯಾನ್ ಇವರುಗಳನ್ನು ಶಾಲು ಹೊದಿಸಿ ಅಭಿನಂದಿಸಲಾಯಿತು.

ವಿವಿಧ ಕೆಲಸಕಾರ್ಯಗಳ ಜವಾಬ್ದಾರಿಯನ್ನು ಯಶಸ್ವೀಯಾಗಿ ನಿರ್ವಹಿಸಿದ ಬಜಪೆ ಘಟಕ, ಕೂಳೂರು ಘಟಕ, ಹಳೆಯಂಗಡಿ ಘಟಕ, ಸುರತ್ಕಲ್ ಘಟಕ, ಪಣಂಬೂರು ಘಟಕ, ಮಂಗಳೂರು ಮಹಿಳಾ ಘಟಕ, ಶಕ್ತಿನಗರ ಘಟಕ, ಕೆಂಜಾರು ಕರಂಬಾರು ಘಟಕ , ಕಂಕನಾಡಿ ಘಟಕ, ಕೊಲ್ಯ ಘಟಕಗಳನ್ನು ಅಭಿನಂದಿಸಲಾಯಿತು.

ಸರ್ವರ ಒತ್ತಾಸೆಯಂತೆ ಸಮಾವೇಶದ ಯಶಸ್ಸಿನ ರೂವಾರಿ ಹಾಗೂ ಯುವವಾಹಿನಿ ಕೇಂದ್ರ ಸಮಿತಿಯ ಯಶಸ್ವೀ ಅಧ್ಯಕ್ಷ ಯಶವಂತ ಪೂಜಾರಿ, ಕುಶಾಲಾಕ್ಷಿ ದಂಪತಿಗಳಿಗೆ ಫಲಪುಷ್ಪ ನೀಡಿ ಹೂಹಾರ ಹಾಕಿ ಗೌರವಪೂರ್ವಕವಾಗಿ ಅಭಿನಂದಿಸಲಾಯಿತು

ಈ ಸಂದರ್ಭದಲ್ಲಿ ಕೇಂದ್ರ ಸಮಿತಿಯ ಅಧ್ಯಕ್ಷ ಯಶವಂತ ಪೂಜಾರಿ, ನಿಯೋಜಿತ ಅಧ್ಯಕ್ಷ ಜಯಂತ ನಡುಬೈಲು, ಉಪಾಧ್ಯಕ್ಷ ನರೇಶ್ ಕುಮಾರ್ ಸಸಿಹಿತ್ಲು, ಪ್ರಧಾನ ಕಾರ್ಯದರ್ಶಿ ರಾಜೇಶ್ ಸುವರ್ಣ, ಯುವವಾಹಿನಿ ಮಂಗಳೂರು ಘಟಕದ ಅಧ್ಯಕ್ಷ ನವೀನ್ ಚಂದ್ರ, ಕಾರ್ಯದರ್ಶಿ ರಾಜೇಶ್ ಅಮೀನ್ , ನಿಕಟಪೂರ್ವ ಅಧ್ಯಕ್ಷ ರವೀಶ್ ಕುಮಾರ್ ಉಪಾಧ್ಯಕ್ಷ ಲಕ್ಷ್ಮೀನಾರಾಯಣ್ ಉಪಸ್ಥಿತರಿದ್ದರು