ಬೆಳುವಾಯಿ ಘಟಕದ 2016-17 ನೇ ಸಾಲಿನ ಪದಗ್ರಹಣ ಕಾರ್ಯಕ್ರಮವು ತಾ. 18-9-2016 ರಂದು ಬೆಳುವಾಯಿಯ ಷಣ್ಮುಖಾನಂದ ಸಭಾಗೃಹದಲ್ಲಿ ಜರಗಿತು.
ಕಾರ್ಯಕ್ರಮವನ್ನು ಮೂಡಬಿದ್ರೆಯ ಮಹಾವೀರ ಕಾಲೇಜಿನ ಉಪನ್ಯಾಸಕ ಹರೀಶ್ ಕೆ. ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾಗಿ ಬಿಲ್ಲವ ಸಮಾಜ ಸೇವಾ ಸಂಘ ಬೆಳುವಾಯಿ ಇದರ ಅಧ್ಯಕ್ಷ ರಾಜೇಶ್ ಸುವರ್ಣ ಬೆಳುವಾಯಿ ಇವರು ಭಾಗವಹಿಸಿದ್ದರು. ಘಟಕದ ಅಧ್ಯಕ್ಷ ವಿಠಲ್ ಎಂ. ಪೂಜಾರಿಯವರು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿ ನೂತನ ಪದಾಧಿಕಾರಿಗಳಿಗೆ ಶುಭ ಹಾರೈಸಿದರು. ಕೇಂದ್ರ ಸಮಿತಿಯ ಮಾಜಿ ಅಧ್ಯಕ್ಷ ಸಾಧು ಪೂಜಾರಿಯವರು ನೂತನ ಪದಾಧಿಕಾರಿಗಳಿಗೆ ಪ್ರಮಾಣ ವಚನವನ್ನು ಭೋದಿಸಿದರು. ಘಟಕದ ವತಿಯಿಂದ ಕಿಡ್ನಿ ವೈಫಲ್ಯ ಕ್ಕೀಡಾದ ಸುರೇಶ್ ಮೂಡು ಮಾರ್ನಾಡು ಇವರಿಗೆ ರೂ. ೫,೦೦೦ ಮತ್ತು ಅಪಘಾತಕ್ಕೀಡಾಗಿ ಆಸ್ಪತ್ರೆಯ ಲ್ಲಿರುವ ಪವನ್ ಪೂಜಾರಿ ಯವರ ಚಿಕಿತ್ಸೆಗೆ ರೂ.೫,೦೦೦ವನ್ನು ಘಟಕದ ವತಿಯಿಂದ ನೀಡಲಾಯಿತು. ಬಳಿಕ ಸುರೇಖ ಚಂದ್ರಶೇಖರ್ ರವರ ನೇತೃತ್ವದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮ ಜರಗಿತು. ಶರತ್ ಪೂಜಾರಿ ಯವರು ಸ್ವಾಗತಿಸಿದರು. ಸುರೇಖ ಚಂದ್ರಶೇಖರ್‌ರವರು ವಂದಿಸಿದರು. ನಿತಿನ್ ಬೆಳುವಾಯಿಯವರು ಕಾರ್ಯಕ್ರಮ ನಿರೂಪಿಸಿದರು.
೨೦೧೬-೧೭ನೇ ಸಾಲಿನ ನೂತನ ಪದಾಧಿಕಾರಿಗಳು: ಅಧ್ಯಕ್ಷರು- ಪ್ರದೀಪ್ ಸುವರ್ಣ, ಉಪಾಧ್ಯಕ್ಷರು- ರವಿ ಬಂಗೇರ, ಪ್ರಧಾನ ಕಾರ್ಯದರ್ಶಿ- ಶರತ್ ಪೂಜಾರಿ, ಜೊತೆ ಕಾರ್ಯದರ್ಶಿ- ಸುರೇಖ ಚಂದ್ರಶೇಖರ್, ಕೋಶಾಧಿಕಾರಿ- ಅನುಷ ಪೂಜಾರಿ, ಸಂಘಟನಾ ಕಾರ್ಯದರ್ಶಿ- ನವೀನ್ ಎಸ್. ಪೂಜಾರಿ, ಕ್ರೀಡೆ ಮತ್ತು ಆರೋಗ್ಯ ನಿರ್ದೇಶಕ- ಸಚಿನ್ ಪೂಜಾರಿ, ಸಮಾಜಸೇವೆ ನಿರ್ದೇಶಕ- ವಿಜಯ್ ಬೆಳುವಾಯಿ, ವ್ಯಕ್ತಿತ್ವ ವಿಕಸನ ನಿರ್ದೇಶಕ- ಪ್ರವೀಣ್ ಸುವರ್ಣ, ನಾರಾಯಣಗುರು ತತ್ವಾದರ್ಶ ಪ್ರಚಾರ ನಿರ್ದೇಶಕ- ನಿತಿನ್ ಬೆಳುವಾಯಿ, ವಿದ್ಯಾರ್ಥಿ ಸಂಘಟನಾ ನಿರ್ದೇಶಕರು – ಸ್ವಾತಿ ಪ್ರಿಯ, ಉದ್ಯೋಗ ಮತ್ತು ಭವಿಷ್ಯ ನಿರ್ಮಾಣ ನಿರ್ದೇಶಕ – ಹರಿಪ್ರಸಾದ್, ಸಾಹಿತ್ಯ ಹಾಗೂ ಸಾಂಸ್ಕೃತಿಕ ನಿರ್ದೇಶಕರು- ಮಮತ ಜಯಂತ್, ವಿದ್ಯಾನಿಧಿ ಸಂಚಾಲಕರು – ಸನ್ಮತ್ ಎನ್. ಸುವರ್ಣ.
