ಮಂಗಳೂರು ನ 12 : ಯುವವಾಹಿನಿ (ರಿ.) ಮಂಗಳೂರು ಮಹಿಳಾ ಘಟಕದ ವತಿಯಿಂದ ಘಟಕದ ಸಕ್ರಿಯ ಸದಸ್ಯೆಯೊಬ್ಬರ ವಿವಾಹದ ಸಂದರ್ಭದಲ್ಲಿ ಹಾಗೂ ಅವರ ತಾಯಿಯವರ ಅನಾರೋಗ್ಯದ ಹಿನ್ನೆಲೆಯಲ್ಲಿ ಕುಟುಂಬಕ್ಕೆ ನೆರವಾಗುವ ಉದ್ದೇಶದಿಂದ ಮಾನವೀಯ ಸಹಾಯ ಹಸ್ತ ಚಾಚಲಾಯಿತು.
ಘಟಕದ ಅಧ್ಯಕ್ಷರು, ಪದಾಧಿಕಾರಿಗಳು, ಮಾಜಿ ಅಧ್ಯಕ್ಷರು ಹಾಗೂ ಸದಸ್ಯೆಯರು ಪ್ರೀತಿಯಿಂದ ಸಂಗ್ರಹಿಸಿದ ಒಟ್ಟು ₹39,500/- ಧನಸಹಾಯವನ್ನು ದಿನಾಂಕ 12-11-2026ರಂದು ಅವರ ಮನೆಗೆ ತೆರಳಿ, ಅವರ ತಾಯಿಯವರ ಕೈಯಲ್ಲಿ ಆತ್ಮೀಯವಾಗಿ ಹಸ್ತಾಂತರಿಸಲಾಯಿತು.
ಸಂಘಟನೆ ಎಂಬುದು ಕೇವಲ ಕಾರ್ಯಕ್ರಮಗಳಿಗೆ ಸೀಮಿತವಾಗದೆ, ಸದಸ್ಯರ ಸುಖ-ದುಃಖಗಳಲ್ಲಿ ಜೊತೆಯಾಗಿ ನಿಲ್ಲುವ ಆತ್ಮೀಯ ಕುಟುಂಬ ಎಂಬುದನ್ನು ಈ ಕಾರ್ಯ ಮತ್ತೊಮ್ಮೆ ಸಾಬೀತುಪಡಿಸಿದೆ.
ಈ ಮಾನವೀಯ ಕಾರ್ಯಕ್ಕೆ ಉದಾರವಾಗಿ ಸಹಕರಿಸಿ, ಸಹಬಾಳ್ವೆ, ಸಹಾನುಭೂತಿ ಮತ್ತು ಸೇವಾ ಮನೋಭಾವವನ್ನು ಮೆರೆದ ಎಲ್ಲಾ ಸಹೃದಯಿ ಸದಸ್ಯೆಯರಿಗೆ ಯುವವಾಹಿನಿ ಮಂಗಳೂರು ಮಹಿಳಾ ಘಟಕದ ಪರವಾಗಿ ಹೃತ್ಪೂರ್ವಕ ಕೃತಜ್ಞತೆಗಳು.
