ಮಂಗಳೂರು ಅ27 : ದಸರಾ ಸಂಭ್ರಮದಂದು ಕುದ್ರೋಳಿ ಕ್ಷೇತ್ರದಲ್ಲಿ ಸ್ವಯಂ ಸೇವೆಯ ಮತ್ತು ದಸರಾ ಶೋಭಾಯಾತ್ರೆಯ ಜವಾಬ್ದಾರಿ ಹೊತ್ತು ಕರ್ತವ್ಯ ನಿರ್ವಹಿಸಿದ ಸಂಚಾಲಕರಿಗೆ ಗೌರವ ಸಲ್ಲಿಸುವುದು ಆದ್ಯ ಕರ್ತವ್ಯ.
ದಿನಾಂಕ: 27-10-2026 ರಂದು ಸಂಜೆ 6 ಗಂಟೆಗೆ ನಾರಾಯಣ ಗುರು ತತ್ವ ಆದರ್ಶಗಳ ಪ್ರಚಾರ ಹಾಗೂ ಅನುಷ್ಠಾನ ನಿರ್ದೇಶಕರಾದ ಗೋಪಾಲ್ ಪೂಜಾರಿ ಅವರು ಗುರು ಪೂಜೆ ನೆರವೇರಿಸಿದರು, ಅಂದಿನ ಗುರು ಪೂಜೆಯ ಸೇವೆಯನ್ನು ಎರಡನೇ ಉಪಾಧ್ಯಕ್ಷರು ಮಹೇಶ್ ಅಮೀನ್ ನೀಡಿದ್ದು ಪೂಜೆಯ ನಂತರ ಅವರಿಗೆ ಪ್ರಸಾದ ನೀಡಲಾಯಿತು. ಸಂಜೆ 7 ಗಂಟೆಗೆ ಗುರು ಪ್ರಾರ್ಥನೆಯೊಂದಿಗೆ ಹರೀಶ್ ಕೆ ಸುವರ್ಣ ಇವರ ಅಧ್ಯಕ್ಷತೆಯಲ್ಲಿ ಸಭಾ ಕಾರ್ಯಕ್ರಮವು ಆರಂಭವಾಯಿತು. ಅಧ್ಯಕ್ಷರು ಸರ್ವ ಸದಸ್ಯರನ್ನು ಆತ್ಮೀಯವಾಗಿ ಸ್ವಾಗತಿಸಿದರು. ಕಾರ್ಯದರ್ಶಿ ಉಷಾ ಗತ ಸಭೆಗಳ ವರದಿ ವಾಚಿಸಿ ಸಭೆಯ ಅನುಮೋದನೆ ಪಡೆದರು.
ಅಧ್ಯಕ್ಷರು , ದಿನಾಂಕ: 11-10-2026 ರಿಂದ 21-10-2026 ವರೆಗೆ ವಿಜ್ರಂಭಣೆಯಿಂದ ನಡೆದ ಕುದ್ರೋಳಿ ದಸರಾ ಸಂಭ್ರಮದಲ್ಲಿ ಕುದ್ರೋಳಿ ಕ್ಷೇತ್ರದಲ್ಲಿ ನಮ್ಮ ಘಟಕದ ವತಿಯಿಂದ ಪ್ರತೀ ದಿನ ಸಂಜೆ 6 ರಿಂದ ತಡರಾತ್ರಿ 12 ವರೆಗೆ ಸ್ವಯಂ ಸೇವಕರಾಗಿ ಕರ್ತವ್ಯ ಜವಾಬ್ದಾರಿಯುತವಾಗಿ ನಿರ್ವಹಿಸಿದ ಮತ್ತು ದಸರಾ ಶೋಭಾಯಾತ್ರೆಯ ದಿನ ಪ್ರತೀ ವರ್ಷದಂತೆ ಈ ಬಾರಿ 12 ನೇ ವರ್ಷದ ಉಚಿತ ಶರ್ಬತ್ ಸೇವೆಯನ್ನು ಯಶಸ್ವಿಯಾಗಿ ನಿಷ್ಠೆಯಿಂದ, ನಿಸ್ವಾರ್ಥವಾಗಿ ಜವಾಬ್ದಾರಿ ಹೊಂದಿದ್ದ ಸಂಚಾಲಕರುಗಳಾದ ಯತೀಶ್ ಬಳಂಜ, ಶ್ರೀಕಾಂತ್ ಅಂಚನ್, ಸಹ ಸಂಚಾಲಕರಾದ ಚಂದ್ರಶೇಖರ ಕಿನ್ನಿಗೋಳಿ, ಸತೀಶ್ ಕೆ ಹಾಗೂ ಕಾರ್ಯದರ್ಶಿ ಉಷಾ, ಇವರಿಗೆ ಘಟಕದ ಪರವಾಗಿ ಮಾಜಿ ಅಧ್ಯಕ್ಷರುಗಳ ಮೂಲಕ ಗೌರವ ಸಲ್ಲಿಸಲಾಯಿತು.
ಅಧ್ಯಕ್ಷರು, ಕುದ್ರೋಳಿ ಕ್ಷೇತ್ರದಲ್ಲಿ ಸ್ವಯಂ ಸೇವೆ ನೆರವೇರಲು ಮಾರ್ಗದರ್ಶಕರಾಗಿದ್ದ ಘಟಕದ ಮಾಜಿ ಅಧ್ಯಕ್ಷರುಗಳಾದ ಗಣೇಶ್ ವಿ ಕೋಡಿಕಲ್, ಹರೀಶ್ ವಿ ಪಚ್ಚನಾಡಿ, ನವೀನ್ ಚಂದ್ರ ಪೂಜಾರಿ ಇವರಿಗೆ ಘಟಕದ ಪರವಾಗಿ ಹೃತ್ಪೂರ್ವಕ ಕೃತಜ್ಞತೆಗಳನ್ನು ಸಲ್ಲಿಸಿದರು.
ದಸರಾ ಶೋಭಾಯಾತ್ರೆಯ ಸಂಭ್ರಮದಲ್ಲಿ ಉಚಿತ ಶರ್ಬತ್ ಸೇವೆಯಲ್ಲಿ ಮಾರ್ಗದರ್ಶಕರಾದ ನಾರಾಯಣ ಕರ್ಕೇರ ಮತ್ತು ಉತ್ತಮ ಸಹಕಾರ ನೀಡಿದ ಘಟಕದ ಮಾಜಿ ಅಧ್ಯಕ್ಷರಾದ ಯಶವಂತ ಪೂಜಾರಿ, ಸದಸ್ಯರಾದ ಸತೀಶ್ ಸಾಲ್ಯಾನ್, ಚಂದ್ರಶೇಖರ ಕೊಟ್ಟಾರ ಇವರೆಲ್ಲರಿಗೂ ಹೃತ್ಪೂರ್ವಕ ಕೃತಜ್ಞತೆಗಳನ್ನು ಸಲ್ಲಿಸಿದರು. ಸಭಾ ಕಾರ್ಯಕ್ರಮದಲ್ಲಿ ಮಾಜಿ ಅಧ್ಯಕ್ಷರುಗಳು, ಪದಾಧಿಕಾರಿಗಳು ಹಾಗೂ ಸದಸ್ಯರು ಉಪಸ್ಥಿತರಿದ್ದರು. ದ್ವಿತೀಯ ಉಪಾಧ್ಯಕ್ಷರು ಮಹೇಶ್ ಅಮೀನ್ ಧನ್ಯವಾದ ಸಲ್ಲಿಸಿದರು.
