ಬಂಟ್ವಾಳ ; ಯುವವಾಹಿನಿ ಅಂತರ್ಘಟಕ ಸಾಂಸ್ಕೃತಿಕ ಸ್ಪರ್ಧೆ ಡೆನ್ನಾನ ಡೆನ್ನನ 2026 ರ ಕವನ ಸ್ಪರ್ಧೆಯಲ್ಲಿ ಯುವವಾಹಿನಿ ಕೂಳೂರು ಘಟಕದ ಅಧ್ಯಕ್ಷರಾದ ಗೀತಾ ವಸಂತ್ ಡೆನ್ನಾನ ಡೆನ್ನಾನ ಕವನ ದ್ವಿತೀಯ ಬಹುಮಾನ ಪಡೆಯಿತು
ಯುವವಾಹಿನಿ (ರಿ) ಕೂಳೂರು ಘಟಕ
ಡೆನ್ನಾನ ಡೆನ್ನಾನ, ಡೆನ್ನಾನ ಡೆನ್ನಾನ
ಡೆನ್ನಾನ ಡೆನ್ನಾನ, ಡೆನ್ನಾನರಿ ಡೆನ್ನಾನ ಡೆನ್ನಾನ ಡೆನ್ನಾನ
ಡೋಲು ನಗಾರಿ ತೂಯನ ಸೇರ್ದ್ ಒಟ್ಟುಗು ಬೊಟ್ಟುಗನಾ
ಬಪ್ಪನಾಡ್ದ ಡೋಲು ಸಬ್ದ ಡೆನ್ನಾನ – ಡೆನ್ನಾನ
ಗುಡ್ಡೆ ಬೈಲ್ಡ್ ಇರೆ ಕೊಡಿ ಮರ್ದ್ಡ್
ಸೀಕ್ ಸಂಕಡ ಇಜ್ಜಾಂಡತ್ತ ಡೆನ್ನಾನ||
ಕೊಡಿ ಮರ್ದ್ ಪೋದು, ಪೊಡಿ ಮರ್ದ್ ಸಿರಾಪು
ಕೈಕ್ ಬತ್ಂಡತ್ತಾ ಡೆನ್ನಾನ||
ಮರಿಯಾಲದ ತೇವು ಲಾಂಬು ತಜಂಕ್ಡ್
ಗಟ್ಟಿಡ್ ಬಂಜಿ ನಿಲಿಕೆ ಉನ್ನ ನಮ ಡೆನ್ನಾನ ||
ಗಂಜಿ ತೆಲಿ ಪೋದು, ಪಿಜ್ಜಾ ನೂಡಲ್
ಬಟ್ಟಲ್ಡ್ ಇತ್ತೆ ತೆಲಿಪುಂಡು ಡೆನ್ನಾನ||
ಕಂಡ ದತ್ದ್, ನೇಜಿ ನಡ್ನನಗ
ಪುಣಿ ಬರಿ ದೀನಾಗ ಡೆನ್ನಾನ ಡೆನ್ನಾನ||
ಪಿಲಾಸ್ಟಿಕ್ ಅರಿ, ವಿಮೊತ ತೆನೆಸಲು
ಒರ್ಮೆಲ ತಿಕ್ಕುಂಡು ಡೆನ್ನಾನ- ಡೆನ್ನಾನ||
ಅಟ್ಟಲಿಗೆದ ಮಿತ್ತ್ ನಂಬೊಲಿಗೆದ
ದೇವರ್ ಕುಲೊಂದಿತ್ತೆರ್ ಡೆನ್ನಾನ – ಡೆನ್ನಾನ
ಮೊಬೈಲ್ ಫೋನುಡು ದೇವೆರ್ ಉಪ್ಪುನಿ
ಕಲ್ಲಿಗ ಕಾಲ ಡೆನ್ನಾನ – ಡೆನ್ನಾನ |
ಸುರಿಯದ ಸಾದಿ, ತಿಗಲೆಡ್ ಸಾದಿ
ಕೊರ್ಪುನ ವಂಶ ನಮ್ಮವು ಡೆನ್ನಾನ||
ನಮ್ಮಕುಲೆ ನಮಕ್, ಪಗೆ ಮಾನಿ ಆತಿನ
ಕಾಲ ಉಂದು ಡೆನ್ನಾನ – ಡೆನ್ನಾನ ||
ನರಮಾನ್ಯ ಅಜೆ ತತ್ತ ಪೋನಗ ನಂಬೊಲಿಗೆ ಸುಳ್ಳಾವೊಂದು ಪೋನಗ
ಅಂಕಾರ ತರೆಕೆರ್ದ್ ಪೋನಾಗ ತುಳುನಾಡ ಸತ್ಯೋಲು ಕಾರ್ಣಿಕ
ತೋಜಾವುನ ಸಬ್ಬನೇ ಡೆನ್ನಾನ ಡೆನ್ನಾನ
ಡೆಸ್ನಾನ ಡೆನ್ನಾನ, ಡೆನ್ನಾನ ಡೆನ್ನಾನ
ಡೆಸ್ನಾನ ಡೆನ್ನಾನ, ಡೆಸ್ನಾನಾರಿ ಡೆನ್ನಾನ
ಗೀತಾ ವಸಂತ್
ಅಧ್ಯಕ್ಷರು
ಯುವವಾಹಿನಿ (ರಿ) ಕೂಳೂರು ಘಟಕ
