ಎಂಎಸ್ ಕೋಟ್ಯಾನ್ ಎಂದೇ ಹೆಸರು ಪಡೆದಿರುವ ಎಂ. ಶಶಿಧರ್ ಕೋಟ್ಯಾನ್ ಇವರು ಕಸ್ತೂರ್ಬಾ ಮೆಡಿಕಲ್ ಕಾಲೇಜಿನ ಕಮ್ಯೂನಿಟಿ ಮೆಡಿಸಿನ್ ವಿಭಾಗದಲ್ಲಿ ಅಸೋಸಿಯೆಟ್ ಪ್ರೋಫೆಸರ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಎಂಎಸ್ಸಿ ಮತ್ತು ಪಿಜಿಡಿಸಿಎ ಪದವೀಧರರಾಗಿರುವ ಶ್ರೀಯುತರು ಶೈಕ್ಷಣಿಕ ರಂಗದಲ್ಲಿ 30 ವರುಷಗಳ ಸೇವೆಯನ್ನು ಸಲ್ಲಿಸಿದ್ದಾರೆ. ಉಪನ್ಯಾಸಕ ವೃತ್ತಿಯಿಂದ ಹಿಡಿದು ಹಂತ ಹಂತವಾಗಿ ಮೇಲೇರಿರುವ ಇವರು ಪ್ರಸ್ತುತ ಅಸೊಸಿಯೆಟ್ ಪ್ರೊಫೆಸರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಹತ್ತು ಹಲವು ರಿಸರ್ಚ್ ಪ್ರೊಜೆಕ್ಟ್‌ಗಳನ್ನು ನಡೆಸಿರುವ ಇವರು ಮಣಿಪಾಲ ಯೂನಿವರ್ಸಿಟಿಯಲ್ಲಿ ಬಿಎಸ್ಸಿ ನರ್ಸಿಂಗ್, ಎಂಎಸ್ಸಿ ನರ್ಸಿಂಗ್, ಮತ್ತು ಎಂಫಿಲ್ ಕೋರ್ಸುಗಳಿಗೆ ಎಕ್ಸಾಮಿನರ್ ಆಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.
ವಿವಿಧ ಕಾನ್ಫರೆನ್ಸ್‌ಗಳಲ್ಲಿ, ವಿಚಾರ ಸಂಕಿರಣಗಳಲ್ಲಿ ತನ್ನ ಪ್ರಬಂಧವನ್ನು ಮಂಡಿಸಿ ಮೆಚ್ಚುಗೆಯನ್ನು ಪಡೆದುಕೊಂಡಿದ್ದಾರೆ. ಇವರ ಸಾಧನೆಯನ್ನು ಗುರುತಿಸಿ ವಿವಿಧ ಸಂಘ ಸಂಸ್ಥೆಗಳು ಇವರನ್ನು ಆದರದಿಂದ ಗೌರವಿಸಿ ಸನ್ಮಾನಿಸಿದೆ.
ಯುವವಾಹಿನಿಯ ಸ್ಥಾಪಕ ಸದಸ್ಯರಲ್ಲೋರ್ವರಾಗಿರುವ ಶ್ರೀಯುತರು ಯುವವಾಹಿನಿಯ ಸಾಹಿತ್ಯಿಕ ಚಟುವಟಿಕೆಗಳಲ್ಲಿ ಮಹತ್ವಪೂರ್ಣ ಕೊಡುಗೆ ನೀಡಿದವರು. ಮಾತ್ರವಲ್ಲದೆ ಯುವವಾಹಿನಿಯ ಮುಖವಾಣಿ ಪತ್ರಿಕೆ ’ಯುವವಾಹಿನಿ’ (ಬಳಿಕ ’ಸಿಂಚನ’)ಯ ಸಂಪಾದಕರಾಗಿದ್ದು ಪತ್ರಿಕೆ ನಿರಂತರ ಪ್ರಕಟಗೊಳ್ಳುವಂತೆ ದುಡಿದವರು. ಅಲ್ಲದೆ ವಾರ್ಷಿಕ ವಿಶೇಷಾಂಕಗಳ ಸಂಪಾದಕರಾಗಿದ್ದು (1998 ರ ವರೆಗೆ) ವಿಶೇಷಾಂಕಗಳು ಸಂಗ್ರಹ ಯೋಗ್ಯವಾಗಿರುವಂತೆ ಶ್ರಮಿಸಿದವರು.
1989-90 ನೇ ಸಾಲಿನಲ್ಲಿ ಯುವವಾಹಿನಿ ಕೇಂದ್ರ ಸಮಿತಿಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿರುತ್ತಾರೆ. ತಮ್ಮ ಅಧಿಕಾರವಧಿಯಲ್ಲಿ ಸಾಹಿತ್ಯ ಅಭಿರುಚಿ ಉಳ್ಳವರಿಗೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ’ಬರಹಗಾರರ ಕಮ್ಮಟ’ವನ್ನು ಶ್ರೀ ಗೋಕರ್ಣನಾಥ ಕಾಲೇಜಿನಲ್ಲಿ ಯಶಸ್ವಿಯಾಗಿ ನಡೆಸಿರುತ್ತಾರೆ. ಬದುಕು ನಿಂತ ನೀರಾಗಬಾರದು ನಿರಂತರ ಹರಿಯುತ್ತಿರಬೇಕು ಎಂಬ ನಾರಾಯಣ ಗುರುಗಳ ಮಾತನ್ನು ಕಾರ್ಯರೂಪಕ್ಕೆ ತರುವಲ್ಲಿ ಶಕ್ತಿಮೀರಿ ಶ್ರಮಿಸಿರುತ್ತಾರೆ.
ವಿಳಾಸ: ಕಂಚಿಲ್, ಕಾಸಿಯಾ ಹೈಸ್ಕೂಲಿನ ಎದುರಿನ ಅಡ್ಡ ರಸ್ತೆ, ಮಾರ್ನಮಿಕಟ್ಟೆ ರಸ್ತೆ, ಮಂಗಳೂರು- 575001
ಮೊಬೈಲ್: 9448500111
