ಕುಣಿದು ಭಜಿಸಿರೋ : ಭಾವ – ಗಾನ – ಕುಣಿತ :: ಅಂತರ್ ಘಟಕ ಭಜನಾ ಸ್ಪರ್ಧೆ ಸಂಪನ್ನ

ಮಂಗಳೂರು : ಯುವವಾಹಿನಿ (ರಿ) ಕೇಂದ್ರ ಸಮಿತಿಯ ಆಶ್ರಯದಲ್ಲಿ ಯುವವಾಹಿನಿ (ರಿ), ಮಂಗಳೂರು ಮಹಿಳಾ ಘಟಕದ ಆತಿಥ್ಯದಲ್ಲಿ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಸಹಕಾರದೊಂದಿಗೆ ದಿನಾಂಕ‌ 01.09.2024 ನೇ ಭಾನುವಾರ ಕುಣಿದು ಭಜಿಸಿರೋ : ಭಾವ – ಗಾನ – ಕುಣಿತ :: ಅಂತರ್ ಘಟಕ ಭಜನಾ ಸ್ಪರ್ಧೆ ಯಶಸ್ವೀಯಾಗಿ ಸಂಪನ್ನಗೊಂಡಿತು

ಯುವಶಕ್ತಿ ದೇಶದ ಪ್ರಭಲ ಶಕ್ತಿ ಈ ನಿಟ್ಟಿನಲ್ಲಿ ಯುವಜನತೆಯಲ್ಲಿ ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಪ್ರಜ್ಞೆ ಮೂಡಿಸುವಲ್ಲಿ ಯುವವಾಹಿನಿ ಸಂಸ್ಥೆಯ ಪಾತ್ರ ಶ್ಲಾಘನೀಯ ಎಂದು ಯುವವಾಹಿನಿಯ ಅಂತರ್ ಘಟಕ ಕುಣಿದು ಭಜಿಸಿರೋ ಕಾರ್ಯಕ್ರಮದ ಸಮಾರೋಪ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಚಿಲಿಂಬಿ ಸಾಯಿಬಾಬಾ ಮಂದಿರದ ಮೊಕ್ತೇಸರರಾದ ವಿಶ್ವಾಸ್ ದಾಸ್ ತಿಳಿಸಿದರು.

ಯುವವಾಹಿನಿಯು ಸಮಯಪ್ರಜ್ಞೆ ಹಾಗೂ ಶಿಸ್ತು ಇತರರಿಗೆ ಮಾದರಿ ಎಂದು ಮುಖ್ಯ ಅತಿಥಿ ಕುಮಾರ್ ಪೂಜಾರಿ ಹೇಳಿದರು.

ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಕೆ.ಜಾಹ್ನವಿ ಆರ್.ಪೂಜಾರಿ, ವಿಜಯಲಕ್ಷ್ಮಿ ಮಧುಕರ ಮಲ್ಲಿ, ಭಾಗವಹಿಸಿ ಶುಭ ಹಾರೈಸಿದರು.

ಧಾರ್ಮಿಕ ಕ್ಷೇತ್ರದ ಅನನ್ಯ ಸೇವೆಗಾಗಿ ಕುದ್ರೋಳಿ ಗೋಕರ್ಣನಾಥ ಕ್ಷೇತ್ರದ. ಸೇವಾದಳದ ಸಂಸ್ಥೆಯನ್ನು ಅಭಿನಂದಿಸಲಾಯಿತು.

ಭಜನಾ‌ ಸ್ಪರ್ಧೆಯ ತೀರ್ಪುಗಾರರಾಗಿ ಭಾಗವಹಿಸಿದ ಶೋಭಾ ಐತಾಳ್, ವಿಜಯಲಕ್ಷ್ಮಿ ಕಟೀಲ್, ಸಚಿನ್ ಸುವರ್ಣರವರನ್ನು ಗೌರವಿಸಲಾಯಿತು.

ಡೆನ್ನಾನ ಡೆನ್ನನ 2024 ಅಂತರ್ ಘಟಕ ಸಾಂಸ್ಕೃತಿಕ ಸ್ಪರ್ಧೆಯ ಆಮಂತ್ರಣ ಪತ್ರ ಬಿಡುಗಡೆಗೊಳಿಸಲಾಯಿತು.

ಕುದ್ರೋಳಿ ಗೋಕರ್ಣನಾಥ ಕ್ಷೇತ್ರದ ಅಧ್ಯಕ್ಷರಾದ ಎಚ್.ಎಸ್.ಸಾಯಿರಾಮ್ ಕುಣಿತ ಭಜನಾ ಸ್ಪರ್ಧೆಯನ್ನು ದೀಪ ಬೆಳಗುವುದರ ಮೂಲಕ ಉದ್ಘಾಟಿಸಿದರು.

ಸಮಾರೋಪ ಸಮಾರಂಭದ ಅಧ್ಯಕ್ಷತೆಯನ್ನು ಯುವವಾಹಿನಿ ಕೇಂದ್ರ ಸಮಿತಿಯ ಅಧ್ಯಕ್ಷರಾದ ಹರೀಶ್.ಕೆ.ಪೂಜಾರಿ ವಹಿಸಿದ್ದರು.

ಯುವವಾಹಿನಿ ಕೇಂದ್ರ ಸಮಿತಿಯ ಉಪಾಧ್ಯಕ್ಷ ಲೋಕೇಶ್ ಕೋಟ್ಯಾನ್ ವಿಜೇತ ಘಟಕಗಳ ಫಲಿತಾಂಶ ಪ್ರಕಟಿಸಿದರು

ಯುವವಾಹಿನಿ ಮಂಗಳೂರು ಮಹಿಳಾ ಘಟಕದ ಕಾರ್ಯದರ್ಶಿ ಅಮಿತಾ ಗಣೇಶ್, ಕಲೆ ಮತ್ತು ಸಾಹಿತ್ಯ ನಿರ್ದೇಶಕರಾದ ಶಾಲಿನಿ ಯಶವಂತ್ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಪ್ರಥಮ ಪ್ರಶಸ್ತಿ ಮುಡಿಗೇರಿಸಿಕೊಂಡ ಯುವವಾಹಿನಿ ಪಣಂಬೂರು ಕುಳಾಯಿ ಸ್ಪರ್ಧೆಯಲ್ಲಿ ಒಟ್ಟು 12 ಘಟಕಗಳು ತೀವ್ರ ಪೈಪೋಟಿಯ ಸ್ಪರ್ಧೆ ನೀಡಿ ತೀರ್ಪುಗಾರರ ಮೆಚ್ಚುಗೆಗೆ ಪಾತ್ರರಾದರು.

ಪ್ರಥಮ ಪ್ರಶಸ್ತಿ : ಪಣಂಬೂರು – ಕುಳಾಯಿ ಘಟಕ

ದ್ವಿತೀಯ ಪ್ರಶಸ್ತಿ : ಕೂಳೂರು ಘಟಕ

ತೃತೀಯ ಪ್ರಶಸ್ತಿ : ಸುರತ್ಕಲ್ ಘಟಕ

ಉತ್ತಮ ಭಜಕ : ಕಾರ್ಕಳ ಘಟಕ

ಉತ್ತಮ ತಬಲವಾದ : ಮೂಲ್ಕಿ ಘಟಕ

ಉತ್ತಮ ಹಾರ್ಮೋನಿಯಂ : ಕೂಳೂರು ಘಟಕ

ಮಂಗಳೂರು ಮಹಿಳಾ‌ ಘಟಕದ ಅಧ್ಯಕ್ಷರಾದ ಶುಭ ರಾಜೇಂದ್ರ ಹಾಗೂ ಕೇಂದ್ರ ಸಮಿತಿಯ ಕಲೆ ಹಾಗೂ ಸಾಹಿತ್ಯ ನಿರ್ದೇಶಕರಾದ ನಯನ ರಮೇಶ್ ಸ್ವಾಗತಿಸಿದರು. ಸಂಚಾಲಕರಾದ ರಶ್ಮಿ ಸಿ ಕರ್ಕೇರ ಪ್ರಸ್ತಾವನೆಗೈದರು‌. ಸಚಿನ್ ಅಂಬಾಗಿಲು ಹಾಗೂ ವಿದ್ಯಾ ರಾಕೇಶ್ ಕಾರ್ಯಕ್ರಮ ನಿರೂಪಿಸಿದರು. ಯುವವಾಹಿನಿ ಕೇಂದ್ರ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಜಗದೀಶ್ಚಂದ್ರ ಡಿ.ಕೆ, ಧನ್ಯವಾದಗೈದರು‌.