ಕೂಳೂರು : ಯುವ ವಾಹಿನಿ (ರಿ) ಕೂಳೂರು ಘಟಕದ ವತಿಯಿಂದ ಕ್ಷೇತ್ರ ದರ್ಶನ ದಿನಾಂಕ 08/07/2018 ರಂದು ಒಂದು ದಿನದ *ಕ್ಷೇತ್ರ ದರ್ಶನ* ಪ್ರವಾಸವನ್ನು ಏರ್ಪಡಿಸಲಾಗಿದ್ದು 120 ಮಂದಿ ಸದಸ್ಯರನ್ನು ಒಳಗೊಂಡ ತಂಡವು ಯುವವಾಹಿನಿ(ರಿ) ಕೂಳೂರು ಘಟಕದ ಅಧ್ಯಕ್ಷರಾದ ಲೋಕೇಶ್ ಕೋಟ್ಯಾನ್ ಇವರು ಇದಕ್ಕೆ ಚಾಲನೆ ನೀಡಿದರು…
6 ಗಂಟೆಗೆ ಸರಿಯಾಗಿ ಕೂಳೂರಿನಿoದ ಹೊರಟು 7.15ಕ್ಕೆ ಪಾಜಕ ಕ್ಷೇತ್ರವನ್ನು ತಲುಪಿ ದೇವರ ದರ್ಶನದ ನಂತರ ಅಲ್ಲಿಂದ ಹೊರಟು 8.45 ಕ್ಕೆ ಆನೆಗುಡ್ಡೆ ಕುಂಭಾಶಿ ದೇವಸ್ಥಾನಕ್ಕೆ ತಲುಪಿದೆವು .ಅಲ್ಲಿ ದೇವರ ದರ್ಶನದ ನಂತರ ಚಹಾ ತಿಂಡಿಯ ವ್ಯವಸ್ಥೆ ಮಾಡಲಾಯಿತು. ಎಲ್ಲಾ ಸದಸ್ಯರ ಚಹಾ ವಿರಾಮದ ನಂತರ ಅಲ್ಲಿಂದ ಹೊರಟು 10.40 ಕ್ಕೆ ಕೊಲ್ಲೂರು ಮೂಕಾಂಬಿಕಾ ಸನ್ನಿಧಾನಕ್ಕೆ ತಲುಪಿದೆವು . ದೇವಿಯ ದರ್ಶನದ ನಂತರ ಅಲ್ಲಿಂದ ಹೊರಟು 12.30ಕ್ಕೆ ಸರಿಯಾಗಿ ಕಮಲಶಿಲೆಯ ದೇವರ ಸನ್ನಿಧಾನಕ್ಕೆ ತಲುಪಿದೆವು. ಬಸ್ಸಿನ ಎಲ್ಲಾ ಸದಸ್ಯರ ದೇಣಿಗೆ ಒಟ್ಟುಗೂಡಿಸಿ 2500 ರೂಪಾಯಿ ಅನ್ನದಾನದ ಸೇವೆಯನ್ನು ಸನ್ನಿದಾನದಲ್ಲಿ ಸಲ್ಲಿಸಲಾಯಿತು . ಅಲ್ಲಿಯ ದೇವರ ಅನ್ನಪ್ರಸಾದ ನಂತರ ಸ್ವಲ್ಪ ವಿಶ್ರಾಂತಿ ಪಡೆದು ಅಲ್ಲಿಂದ ಹೊರಟು 3 ಗಂಟೆಗೆ ಸರಿಯಾಗಿ ಶಂಕರನಾರಾಯಣ ದೇವರ ಸನ್ನಿಧಾನಕ್ಕೆ ತಲುಪಿ ಅಲ್ಲಿ 1ಗಂಟೆಯ ಸಮಯದಲ್ಲಿ ಎಲ್ಲಾ ಸದಸ್ಯರ ಪರಿಚಯವನ್ನು ಮಾಡಲಾಯಿತು ಹಾಗೂ ಅಲ್ಲಿ ಎರಡು ತಂಡ ರಚನೆ ಮಾಡಿ ಕಿರು ನಾಟಕ ನಡೆಸಲಾಯಿತು ತದನಂತರ 4 ಗಂಟೆಗೆ ಸರಿಯಾಗಿ ದೇವರ ದರ್ಶನ ಮಾಡಿ ಅಲ್ಲಿಂದ ಹೊರಟು 5.30ಕ್ಕೆ ಮಂದಾರ್ತಿ ದುರ್ಗಾಪರಮೇಶ್ವರಿ ದೇವಸ್ಥಾನಕ್ಕೆ ತಲುಪಿದೆವು.ಇನ್ನೊಮ್ಮೆ ಎಲ್ಲಾ ಸದಸ್ಯರ ದೇಣಿಗೆ ಪಡೆದು 2500 ಸಾವಿರ ಹಣವನ್ನು ದೇಣಿಗೆ ರೂಪದಲ್ಲಿ ಅನ್ನದಾನಕ್ಕೆ ನೀಡಲಾಯಿತು .ಅಲ್ಲಿಂದ ದೇವರ ದರ್ಶನದ ನಂತರ ಏಳುವರೆಗೆ ಸರಿಯಾಗಿ ಅನ್ನ ಪ್ರಸಾದವನ್ನು ಸ್ವೀಕರಿಸಿ ಅಲ್ಲಿಂದ 8 ಗಂಟೆಗೆ ಸರಿಯಾಗಿ ಮಂಗಳೂರಿಗೆ ಹಿಂತಿರುಗಿ 9.15 ಕ್ಕೆ ಕೂಳೂರಿಗೆ ತಲುಪಿದೆವು.ಈ ಕಾರ್ಯಕ್ರಮದ ಸಂಚಾಲಕತ್ವವನ್ನು ವಿನೀತ್ ಕುಮಾರ್ ಇವರು ವಹಿಸಿದ್ದರು.
