ಪುತ್ತೂರು: ಯುವವಾಹಿನಿ ಪುತ್ತೂರು ಘಟಕದ ಆಶ್ರಯದಲ್ಲಿ ಡಿಸೆಂಬರ್ ೨೪ ರಂದು ನಡೆಯಲಿರುವ ಕೋಟಿ ಚೆನ್ನಯ ಕ್ರೀಡಾ ಕೂಟದ ಆಮಂತ್ರಣ ಪತ್ರಿಕೆಯನ್ನು 2017 ನವೆಂಬರ್ 15 ರಂದು ಮರಕ್ಕೂರು ಜನನ ಇಲ್ಲಿ ಬಿಡುಗಡೆ ಮಾಡಲಾಯಿತು.
ಮರಕ್ಕುರು ಜನನದ ಯಜಮಾನರಾದ ಮಾಯಿಲಪ್ಪ ಪೂಜಾರಿಯವರು ಆಮಂತ್ರಣ ಪತ್ರಿಕೆಯನ್ನು ಬಿಡುಗಡೆಗೊಳಿಸಿದರು. ಪುತ್ತೂರು ಬಿಲ್ಲವ ಸಂಘದ ಅಧ್ಯಕ್ಷರಾದ ಜಯಂತ್ ನಡುಬೈಲುರವರು ಮಾತನಾಡಿ ಪ್ರತಿ ವರ್ಷದಂತೆ ಈ ವರ್ಷವೂ ಕೋಟಿ ಚೆನ್ನಯ ಕ್ರೀಡಾ ಕೂಟವನ್ನು ಆಯೋಜಿಸಲಾಗಿದ್ದು ಬಿಲ್ಲವ ಬಾಂಧವರು ಈ ಕ್ರೀಡಾ ಕೂಟದಲ್ಲಿ ಭಾಗವಹಿಸಿ ಕ್ರೀಡಾ ಕೂಟವನ್ನು ಯಶಸ್ವಿಗೊಳಿಸಬೇಕು ಕ್ರೀಡೆಯಿಂದ ದೈಹಿಕ ಹಾಗೂ ಮಾನಸಿಕ ಆರೋಗ್ಯವೂ ವ್ರಧ್ಧಿಗೊಳ್ಳುತ್ತದೆ ಮಾತ್ರವಲ್ಲದೆ ಪರಸ್ಪರ ಬಾಂಧವ್ಯವೂ ದ್ವಿಗುಣ ಗೊಳ್ಳಲು ಸಹಕಾರಿಯಾಗುತ್ತದೆಎಂದರು. ಘಟಕದ ಗೌರವ ಸಲಹೆಗಾರ ಡಾ ಸದಾನಂದ ಕುಂದರ್ ಕ್ರೀಡಾ ಕೂಟದ ಸಂಚಾಲಕ ವಸಂತ ಕಲ್ಲರ್ಪೆ,ಘಟಕದ ಸಂಚಾಲಕ ಜಯಂತ ಬಾಯಾರು ಯುವವಾಹಿನಿ (ರಿ)ಪುತ್ತೂರು ಘಟಕದ ನಿಕಟ ಪೂರ್ವ ಅಧ್ಯಕ್ಷರಾದ ಜಯಂತ ಕೆಂಗುಡೇಲು, ಉಪಾಧ್ಯಕ್ಷ ಹರೀಶ್ ಶಾಂತಿ, ಜೊತೆ ಕಾರ್ಯದರ್ಶಿ ರವೀಂದ್ರ ಪೂಜಾರಿ ಸಂಪ್ಯ ಉಪಸ್ಥಿತರಿದ್ದರು. ಯುವವಾಹಿನಿ (ರಿ)ಪುತ್ತೂರು ಘಟಕದ ಅಧ್ಯಕ್ಷ ಉದಯ ಕುಮಾರ್ ಕೋಲಾಡಿ ಸ್ವಾಗತಿಸಿ ಕಾರ್ಯದರ್ಶಿ ವಿಶ್ವನಾಥ್ ಅಮ್ಮುಂಜ ವಂದಿಸಿದರು.
